بۇگىن ۇلتتىق بانك باسقارما توراعاسىنىڭ ورىنباسارى بەرىك شولپانقۇلوۆ ليتسەنزياسىز كريپتوۆاليۋتا وپەراتسيالارى ءۇشىن قىلمىستىق جانە اكىمشىلىك جاۋاپكەرشىلىك قاراستىرىلاتىنىن حابارلادى. بۇدان بىلاي ەلىمىزدە كريپتوۆاليۋتا اينالىمىن رەتتەۋ كۇشەيتىلەتىن بولادى.
«تەحنولوگيا دامىپ جاتقانىن ەسكەرسەك, كريپتواينالىم بەلگىلى قۇبىلىس. ءبىز دە وسى جۇيەگە جاقىن ارادا قوسىلامىز جانە زاڭناما اياسىندا قىلمىستىق ءارى اكىمشىلىك جاۋاپكەرشىلىك ەنگىزىلەدى. اكىمشىلىك جاۋاپكەرشىلىك ليتسەنزيالانعان الاڭداردان تىس كريپتوۆاليۋتا ساتىپ العان ادامدارعا, ال قىلمىستىق جاۋاپكەرشىلىك ليتسەنزياسىز قىزمەت كورسەتەتىن ساتۋشىلارعا قاراستىرىلادى» - دەدى بەرىك شولپانقۇلوۆ.
ۇلتتىق بانك تاركىلەنگەن كريپتواكتيۆتەردى ساقتاۋ ءۇشىن ارنايى قور قۇرمايدى. ونى كلاسسيكالىق تاركىلەۋ اياسىندا مەملەكەتتىك بالانسقا الۋدىڭ قالىپتاسقان تارتىبىمەن جۇرگىزە بەرەدى.
ۇلتتىق بانك مۇددەلى مەملەكەتتىك ورگاندارمەن بىرلەسىپ, تسيفرلىق اكتيۆتەر اينالىمىنىڭ قۇقىقتىق نەگىزىن قالىپتاستىراتىن زاڭنامالىق تۇزەتۋلەر پاكەتىن دايىنداپ قويدى. تۇزەتۋلەر ەكى بلوكتان تۇرادى.
تسيفرلىق قارجى اكتيۆتەرىن ىسكە قوسۋ جانە ولاردىڭ قۇقىقتىق مارتەبەسىن ايقىنداۋ.
سونىمەن, كريپتوۆاليۋتانى «استانا» حالىقارالىق قارجى ورتالىعىنداعى ليتسەنزياسى بار بيرجالاردان ساتىپ الۋعا مۇمكىندىك بار.
شولپانقۇلوۆتىڭ ايتۋىنشا, تسيفرلىق اكتيۆتەردىڭ سوماسىن جانە ساتىپ الۋشىلاردىڭ وزدەرىنىڭ دەرەكتەرىن قاداعالاۋعا مۇمكىندىك بەرەتىن تەتىك وسى عانا .
«باقىلاۋعا بولادى. حالىق قازىر كريپتوۆاليۋتا جاسىرىن ەمەس ەكەنىن ءتۇسىنۋى كەرەك», دەدى ۇلتتىق بانك توراعاسىنىڭ ورىنباسارى.
ول بەيرەسمي پلاتفورمالاردىڭ قىزمەتتەرىن پايدالانۋدى جالعاستىرعان ساتىپ الۋشىلار اكىمشىلىك جاۋاپكەرشىلىككە تارتىلاتىنىن, ال كريپتوۆاليۋتانى زاڭسىز ساتۋشىلار قىلمىستىق جاۋاپكەرشىلىككە تارتىلاتىنىن ايتتى.
